რუსეთის პრეზიდენტი ვლადიმერ პუტინი ბელარუს კოლეგას, ალექსანდრ ლუკაშენკოს, სესხის სახით 1.5 მილიარდი დოლარის გამოყოფას დაჰპირდა. ამის შესახებ ინფორმაციას TUT.BY ავრცელებს.
შესაბამისი განცხადება კრემლის მეთაურმა სოჭში ბელარუსის პრეზიდენტთან, ალექსანდრ ლუკაშენკოსთან შეხვედრის დასრულების შემდეგ გააკეთა.
"ეკონომიკა უპირველეს ყოვლისა. ყოველთვის ამ ხაზს ვემხრობით. უფროს ძმასთან უფრო ახლოს უნდა ვიყოთ", - განაცხადა ლუკაშენკომ.
მან პუტინს კორონავირუსის საკითხში გაწეული თანამშრომლობისთვის მადლობა გადაუხადა.
ორი ქვეყნის ლიდერს შორის შეხვედრა სოჭში დღეს გაიმართა.
დახურვა