უკრაინის თავდაცვის მინისტრის, ოლექსი რეზნიკოვის განცხადებით, უკრაინამ ესპანეთისგან პირველი Hawk საზენიტო-სარაკეტო კომპლექსები მიიღო.
"ოდესაში შევხვდი ესპანეთის თავდაცვის მინისტრს, მარგარიტა რობლესს. ჩვენ პატივი მივაგეთ უკრაინისთვის ბრძოლებში დაღუპული გმირების ხსოვნას და საავადმოყოფოში ჩვენი მებრძოლები მოვინახულეთ. ესპანეთი მხარს უჭერს უკრაინას: ჰუმანიტარული და უსაფრთხოების სფეროს დახმარება გაგრძელდება.
მეტი ჩვენი მებრძოლი გაივლის წვრთნას ესპანეთში. ესპანეთისგან ჩვენი პირველი Hawk საზენიტო-სარაკეტო კომპლექსები უკვე მივიღეთ", - თქვა რეზნიკოვმა.
უკრაინის თავდაცვის მინისტრის ინფორმაციით, ომის დაწყებიდან რუსეთმა 16 000-ზე მეტი სარაკეტო შეტევა განახორციელა უკრაინაში. 23 ნოემბერს, რუსული ძალების მხრიდან მასიური სარაკეტო თავდასხმის შედეგად უკრაინის რეგიონებში ელექტროენერგია გაითიშა.
დახურვა