![2022/10/17/qysfhpjrs4anoj2.jpg](/uploads_script3/articles/2022/10/17/qysfhpjrs4anoj2.jpg)
უკრაინის თავდაცვის მინისტრის, ოლექსი რეზნიკოვის განცხადებით, რუსეთი და ირანი ტერორისა და სიკვდილის გასავრცელებლად გაერთიანდნენ.
"რუსეთი და ირანი ტერორისა და სიკვდილის გასავრცელებლად გაერთიანდნენ. Shahed-136 მათი ერთ-ერთი იარაღია, კალიბრთან, ისკანდერთან, რაკეტებთან, Mojaher-6 დრონებთან, Fateh-110 და Zolfaghar-თან ერთად. დემოკრატია და ნათელი გონება უნდა გაერთიანდნენ ამ თავდასხმების მოსაგერიებლად და ბოროტების დასამარცხებლად," - თქვა უკრაინის თავდაცვის მინისტრმა.
დღეს რუსეთმა კიევზე სარაკეტო თავდასხმა განახორციელა. კიევის მერის, ვიტალი კლიჩკოს Telegram პოსტის თანახმად, ერთ-ერთი აფეთქება მოხდა შევჩენკივსკის რაიონში, უკრაინის დედაქალაქის ცენტრში. კლიჩკოს განცხადებით, რუსეთმა კიევი "კამიკაძე" დრონებით დაბომბა.
კლიჩკოს ინფორმაციით, რუსული ძალების მხრიდან კიევში, საცხოვრებელ კორპუსზე დრონებით თავდასხმის შედეგად 6 თვის ორსული დაიღუპა. ამასთან, ის აღნიშნავს, რომ ბოლო მონაცემებით, კიევზე განხორციელებული თავდასხმისას 3 ადამიანია დაღუპული, 4 კი დაშავებული.