რუსეთი და ჩრდილოეთ კორეა - სამოქალაქო სექტორი ერთპარტიულ პარლამენტს აკრიტიკებს

რუსეთი და ჩრდილოეთ კორეა, - ასე ხედავენ დღევანდელი პარლამენტის სურათს ის აქტივისტები, რომლებიც ქვეყანაში მრავალპარტიული მმართველობისთვის თვეები იბრძოდნენ. სამოქალაქო სექტორში აცხადებენ, რომ ქართული ოცნების ერთპარტიულ პარლამენტს დიდი მომავალი ვერ ექნება. თუმცა ზიანი, რომელსაც ქვეყანა დემოკრატიული პროცესებიდან გადახვევით იღებს, შესაძლოა, გამოუსწორებელი გახდეს. იურისტები, კონსტიტუციონალისტები, პოლიტოლოგები და აქტივისტები შიშობენ, რომ ერთპარტიული მმართველობით ქვეყანა უკან კომუნიზმში მიდის.