რუსეთის თავდაცვის სამინისტროში აცხადებენ, რომ ყაზახეთიდან კოლექტიური უსაფრთხოების შეთანხმების (ОДКБ-ს) კონტინგენტის გაყვანა დაასრულა. ბოლო ოთხი სამხედრო-სატრანსპორტო თვითმფრინავი ნურ-სულთანიდან და ალმათიდან გაფრინდნენ.
ყაზახეთის დიდ ქალაქებში არეულობისა და მასშტაბური დემონსტრაციების ფონზე პრეზიდენტმა, ყასიმ ჟომართ ტოყაევმა ОДКБ-ს მიმართა, რომ მშვიდობისმყოფელები გაეგზავნა. სამხედროები ყაზახეთში კოლექტიური უსაფრთხოების შეთანხმების წევრმა სხვა სახელმწიფოებმაც გაგზავნეს. როგორც ცნობილია, რუსეთმა 2500 "მშვიდობისმყოფელი გაგზავნა".
ОДКБ-ს სამხედროები მნიშვნელოვან ობიექტებს იცავდნენ. როგორც ყაზახეთის ხელისუფლებაში აცხადებდნენ, ისინი საბრძოლო მოქმედებებში არ მონაწილეობდნენ.
11 იანვარს ტოყაევმა განაცხადა, რომ სიტუაცია ქვეყანაში სტაბილურია და ორი დღის შემდეგ მშვიდობისმყოფელების გაყვანის დაწყება შესაძლებელი იქნებოდა.
დახურვა