სამოქალაქო აქტივისტი, ოთო ფარულავა სოციალურ ქსელში წერს, რომ პლაკატების - წარწერით: "საქართველოში "ვი-რუსია", ქუჩებში გაკვრის გამო, თბილისის მერიამ 1000 ლარით დააჯარიმა.
"დღეს თბილისის მერიამ 1000 ლარით დამაჯარიმა.
5 აპრილს, მელიქიშველზე, დროებით სამშენებლო ღობეზე, ჩვენმა გუნდმა
გავაკარით პოსტერები წარწერით -საქართველოში “ვი-რუსია”
სხვა კი არაფერს ვამბობდით ამ პოსტერებით. კი ვი-რუსია ოცნება, ვი-რუსია მერია.
აბა ქოცებმა გაჩერებები და მიწისქვეშები ააჭრელეს მაგათ ხომ არ დააჯარიმებდა ხელისუფლეა, რომელიც ემსახურება რუსეთს?!
არა რუსულ კანონს!", - წერს ფარულავა სოციალურ ქსელში.
დაპირების მიუხედავად, ერთი წლის თავზე ქართული ოცნება ე.წ. უცხო აგენტების შესახებ რუსულ კანონს განსახილველად აბრუნებს და მის მიღებას მეორედ ეცდება. 3 აპრილს ინიციირებული კანონპროექტი იდენტურია შარშანდელი კანონპროექტისა, რომლის განხილვებსაც მასობრივი პროტესტი მოჰყვა. ფორმალური განსხვავებაა მხოლოდ ტერმინში - ახალ ვერსიაში "უცხოური გავლენის აგენტი" შეცვლილია "უცხოური ძალის ინტერესების გამტარებლით".
მიუხედავად იმისა, რომ ქართული ოცნება ამტკიცებს, რომ ამ კანონპროექტს არაფერი აქვს საერთო რუსეთთან, მან დასავლელი პოლიტიკოსების კრიტიკა უკვე დაიმსახურა.
დახურვა