რუსულმა ძალებმა ზაპოროჟიეს მახლობლად მდებარე სოფელი დაბომბეს, რასაც მსხვერპლი მოჰყვა. ამის შესახებ ინფორმაციას უკრაინული მედია ავრცელებს.
"7 ოქტომბერს, დაახლოებით 07:45 საათზე რუსეთის არმიამ ზაპოროჟიეს ოლქის სოფელი ბელენკოე დაბომბა. რუსებმა კასეტური ჭურვები ისროლეს, რის შედეგადაც 1 ადამიანი დაიღუპა, 2 კი დაშავდა.
ამასთან, დაბომბვის შედეგად 5 კერძო სახლი დაზიანდა", - აცხადებს ზაპოროჟიეს რეგიონული სამხედრო ადმინისტრაცია.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა