საკონსტიტუციო ცვლილებები რუსეთში ოფიციალურად ამოქმედდა. მანამდე შესაბამის განკარგულებას ხელი ვლადიმერ პუტინმა მოაწერა და მასშტაბური საკანონმდებლო სამუშაოების დაწყების შესახებ გამოაცხადა. პრეზიდენტის შეფასებით, რეფერენდუმზე მოსახლეობამ ერთიანობა აჩვენა. საკონსტიტუციო ცვლილებები ვლადიმერ პუტინს საშუალებას აძლევს კვლავ მიიღოს მონაწილეობა საპრეზიდენტო არჩევნებში და ქვეყნის სათავეში კიდევ ორი ვადით, 2036 წლამდე დარჩეს.
ცესკოს მონაცემებით, პლებისციტის დროს ცვლილებებს მხარი რუსეთის მოსახლეობის თითქმის 78-მა პროცენტმა დაუჭირა, წინააღმდეგი წავიდა 21 პროცენტი.
დახურვა