სამედიცინო ასოციაციების გაერთიანების წევრების განცხადებით, მათთვის მშვიდობიან დემონსტრანტებზე ფიზიკური და ფსიქოლოგიური ძალადობა მიუღებელია.
ასოციაციის წევრები აღნიშნავენ, რომ საქართველოს მოსახლეობის უმრავლესობის არჩევანი ევროინტეგრაციაა, რაც საქართველოს კონსტიტუციის 78-ე მუხლშია ასახული.
ასევე, სამედიცინო ასოციაციების გაერთიანების წევრების ცნობით, ქართულმა ოცნებამ ევროკავშირში ინტეგრაციის პროცესთან დაკავშირებული გადაწყვეტილება უნდა შეაჩეროს.
"სამედიცინო ასოციაციების გაერთიანების წევრებს მიგვაჩნია, რომ საქართველოს მომავალი ევროპულ და ევრო-ატლანტიკურ სტრუქტურებში ინტეგრაციაა.
ევროინტეგრაცია საქართველოს მოსახლეობის უმრავლესობის არჩევანია, რაც ასახულია საქართველოს კონსტიტუციის 78-ე მუხლში.
ამიტომ ყოვლად მიუღებელია მმართველი გუნდის გადაწყვეტილება შეაჩეროს ევროკავშირში ინტეგრაციის პროცესი. აქვე აღვნიშნავთ, რომ მიუღებელია მშვიდობიანი დემონსტრანტების მიმართ ფიზიკური და ფსიქოლოგიური ძალადობა. ჩვენთვის მნიშვნელოვანია ისეთი ღირებულებები, როგორიც არის- თავისუფლება, ღირსება და თანაგრძნობა. ჩვენი არჩევანი ევროპაა.
ასევე ვგმობთ, ჩვენი კოლეგა, საქართველოს გულის რიტმის ასოციაციის პრეზიდენტის კახაბერ ეცადაშვილის წინააღმდეგ განხორციელებულ ძალადობას, მოვითხოვთ მის დაუყოვნებლივ გათავისუფლებას!", - წერია განცხადებაში.
დახურვა