თბილისის მეტროს პირველ ხაზზე მოძრაობა სრულად აღდგენილია. ინფორმაციას თბილისის სატრანსპორტო კომპანია ავრცელებს.
"თბილისის მეტროს პირველ ხაზზე მოძრაობა სრულად განახლდა. შეფერხების მიზეზი მოძრავი შემადგენლობის ტექნიკური ხარვეზი იყო, რისთვისაც საჭირო გახდა მისი დამხმარე მატარებლით ჩიხში გადაყვანა. შემადგენლობები მოძრაობდნენ ზონალურად, მეტროსადგურ „ახმეტელის თეატრიდან“ „სადგურის მოედნის“ მიმართულებით. ამჟამად, თბილისის მეტროს ორივე ხაზი მგზავრებს ჩვეულ რეჟიმში ემსახურება", - ნათქვამია განცხადებაში.
მეტროში შეფერხება დაახლოებით ერთი საათის განმავლობაში იყო.
დახურვა