საქალაქო სასამართლოში გვარამიას საქმის არსებითი განხილვა მიმდინარეობს

„გავამახვილებთ ყურადღებს, რომ ეს არის პოლიტიკური მოტივით წარმოებული დევნა. სინამდვილეში პროკურატურა ინტერესდება ისეთი საკითხებით, რომელიც საერთოდ არ შედის მის უფლებამოსილებაში. ერთადერტი მიზანი, რაც პროკურატურის მოქმედებებს აქვს, არის ის, რომ მოხდეს „მთავარი არხის“ განეიტრალება“, - აცხადებს საძაგლიშვილი.

შეგახსენებთ, რომ გენერალურმა პროკურატურამ 6 სექტემბერს, „რუსთავი 2-ის" საქმეზე ბრალი ნიკა გვარამიას, ასევე „რუსთავი 2-ის" ყოფილ ფინანსურ დირექტორს კახა დამენიასა და „ინტერმედია პლუსის“ დირექტორს ზურაბ იაშვილს წაუყენა. 

გვარამიას ბრალად ედება, „რუსთავი 2-ის" კუთვნილი დიდი ოდენობით ქონების გაფლანგვა, კომერციული მოსყიდვა და სამსახურებრივი უფლებამოსილების ბოროტად გამოყენება. გვარამიას ამ საქმეზე აღკვეთი ღონისძიების სახით 40 000-ლარიანი გირაო შეუფარდეს. გარდა ამისა, მას ქვეყნიდან გასვლა ეკრძალება. ზურაბ იაშვილს, მას ბრალად ედება კომერციული მოსყიდვა - მას 50 000-ლარიანი გირაო აქვს შეფარდებული.

კახა დამენიას კი  გამოძიება სამაუწყებლო კომპანია „რუსთავი 2-ის" კუთვნილი ქონებრივი უფლების დიდი ოდენობით მართლსაწინააღმდეგო გაფლანგვაში ედავება, მასაც 50 000-ლარიანი გირაო შეეფარდა.