სლოვენიის პრეზიდენტის, ბორუტ პაჰორის თქმით, უკრაინა ევროპული საზოგადოების განუყოფელი ნაწილი უნდა გახდეს. ამის შესახებ პაჰორმა უმაღლესი რადას ვიცე-სპიკერთან, ელენა კონდრატიუკთან შეხვედრის დროს განაცხადა.
"წარსულის შეცდომებს ვერ დავუშვებთ. უკრაინა ევროპული საზოგადოების განუყოფელი ნაწილი უნდა გახდეს. უკრაინაზე თავდასხმით რუსეთმა არასწორი გადაწყვეტილება მიიღო," - განაცხადა სლოვენიის პრეზიდენტმა.
"ჩვენ ძალიან ვაფასებთ სლოვენიის მხარდაჭერას ამ რთულ დროს, როდესაც რუსეთის ფედერაცია უკრაინის წინააღმდეგ სრულმასშტაბიან ომს აწარმოებს," - თქვა უმაღლესი რადას ვიცე-სპიკერმა.
კონდრატიუკმა სლოვენიას უკრაინის ევროპული მისწრაფებების მხარდაჭერისთვის მადლობა გადაუხადა და განსაკუთრებით პრეზიდენტ ბორუტ პაჰორის როლი აღნიშნა, რომელმაც 2022 წლის 28 თებერვალს ევროპელი ლიდერებისგან უკრაინის ევროპული პერსპექტივის მხარდასაჭერად ღია წერილს ხელი მოაწერა.
დახურვა