სომხეთი და აზერბაიჯანი ერთმანეთს მთიან ყარაბაღში, ქალაქ ლაჩინთან შეიარაღებულ თავდასხმაში ადანაშაულებენ.
ლაჩინი აზერბაიჯანის ნაწილად მიიჩნევა, მაგრამ მას ამჟამად სწორედ მთიანი ყარაბაღის ხელმძღვანელობა აკონტროლებს. ქალაქი და მისი მიმდებარე რეგიონი სტრატეგიული დერეფანია, რომელიც მთიანი ყარაბაღს სომხეთთან აკავშირებს.
აზერბაიჯანის თავდაცვის სამინისტროს მიერ გავრცელებული ინფორმაციით, 3 აგვისტოს დილას ლაჩინის რაიონში იმ ადგილას, "სადაც დროებით არის განლაგებული რუსული სამშვიდობო კონტინგენტი, სომხურმა დაჯგუფებებმა ინტენსიური ცეცხლი გაუხსნეს აზერბაიჯანის არმიის პოზიციებს".
აზერბაიჯანული მხარის ცნობით, თავდასხმას ერთი აზერბაიჯანელი სამხედროს სიცოცხლე ემსხვერპლა.
თავის მხრივ, მთიანი ყარაბაღის დე ფაქტო რესპუბლიკის პრეზიდენტი, არაიკ ჰარუნთუნიანი აცხადებს, რომ 3 აგვისტოს, დილის 9 საათიდან აზერბაიჯანის შეიარაღებული ძალების ნაწილებმა ყუმბარმტყორცნებისა და უპილოტო საფრენი აპარატების გამოყენებით უხეშად დაარღვიეს ცეცხლის შეწყვეტის შეთანხმება.
არწახის ცნობით, დაშავდა მათი 8 სამხედრო მოსამსახურე, 1 - დაიღუპა.
არაიკ ჰარუნთუნიანმა გამოსცა განკარგულება, რომლის მიხედვითაც, მთიან ყარაბაღში ნაწილობრივი სამხედრო მობილიზაცია გამოცხადდა.
დახურვა