NATO-ს გენერალურ მდივან იენს სტოლტენბერსა და უკრაინის პრეზიდენტ ვოლოდიმირ ზელენსკის შორის სატელეფონო საუბარი გაიმართა. ინფორმაციას სტოლტენბერგი Twitter-ზე ავრცელებს.
"NATO-ს მოკავშირეები მტკიცედ უჭერენ მხარს უკრაინის სუვერენიტეტსა და თავდაცვის უფლებას. რუსეთის მიერ გამართულ ფიქტიურ რეფერენდუმებს არ აქვთ ლეგიტიმაცია, ისინი საერთაშორისო სამართლის აშკარა დარღვევაა. ეს მიწები ეკუთვნის უკრაინას", - წერს სტოლტენბერგი.
Just spoke with President @ZelenskyyUa & made clear that #NATO Allies are unwavering in our support for #Ukraine’s sovereignty & right to self-defence. The sham referenda held by #Russia have no legitimacy & are a blatant violation of international law. These lands are Ukraine.
ე.წ. რეფერენდუმები დროებით ოკუპირებული ხერსონის, ზაპოროჟიეს, დონეცკისა და ლუჰანსკის ოლქის ნაწილებში 23 სექტემბერს დაიწყო და დღეს დასრულდება.
რუსეთის პრეზიდენტმა ვლადიმერ პუტინმა 21 თებერვალს, უკრაინაში შეჭრამდე, ხელი მოაწერა ბრძანებებს დონეცკის და ლუჰანსკის ე.წ. სახალხო რესპუბლიკების დამოუკიდებლობის აღიარების შესახებ. ეს ორი სეპარატისტული სუბიექტი, რომელთა დაცვაც რუსეთმა აგრესიის საბაბად გამოიყენა, საერთაშორისო საზოგადოების მიერ არ არის აღიარებული.
დონეცკის და ლუჰანსკის ე.წ. სახალხო რესპუბლიკების რუსეთთან შეერთების შესახებ "რეფერენდუმის" ჩატარების გეგმები ჯერ კიდევ 2022 წლის მარტში გამოცხადდა.
დახურვა