![2022/11/17/i0xydg89rt7qeoq.jpg](/uploads_script3/articles/2022/11/17/i0xydg89rt7qeoq.jpg)
ტელეკომპანია იმედის ყოფილი გენერალური დირექტორი ყაზახეთში ელჩად დაინიშნა. ინფორმაციას ამის შესახემ მთავრობის ადმინისტრაცია ავრცელებს.
"საქართველოს პრემიერ-მინისტრი ირაკლი ღარიბაშვილი ყაზახეთის რესპუბლიკაში ახლად დანიშნულ საქართველოს საგანგებო და სრულუფლებიან ელჩს ნიკოლოზ ლალიაშვილს შეხვდა.
მთავრობის ადმინისტრაციაში გამართულ შეხვედრაზე საქართველოსა და ყაზახეთის რესპუბლიკას შორის არსებული თანამშრომლობის ძირითადი მიმართულებები მიმოიხილეს", - აღნიშნულია განცხადებაში.
2000-2005 წლებში ნიკა ლალიაშვილი სხვადასხვა დროს მუშაობდა საქართველოს თავდაცვის სამინისტროში, უშიშროების საბჭოში და უშიშროების სამინისტროში. 2008-2012 წლებში ის პარლამენტის წევრი იყო. 2019 წელს ტელეკომპანია იმედის გენერალური დირექტორის მოადგილის პოსტი ეკავა, ხოლო 2020-2021 წლებში იმედის გენერალური დირექტორი იყო.