ჯანდაცვის მინისტრობის კანდიდატი ეკატერინე ტიკარაძე აცხადებს, რომ მთავრობა კორონავირუსის ვაქცინების შესაძენად მხოლოდ ოფიციალურ არხებს იყენებდა.
როგორ ტიკარაძემ საკომიტეტო მოსმენისას თქვა, სწორედ ამის შედეგია ის, რომ ქვეყანა ვაქცინებს უხლოეს დღეებში მიიღებს.
"არაერთხელ გამოითქვა უკმაყოფილება საქრთველოში ვაქცინების შემოსვლის ვადებთან დაკავშირებით. მინდა ხაზგასმით აღვნიშნო, რომ ვაქცინების შერჩევა იყო ხანგრძლივი პროცესი, რამდენადაც ჩვენს მთავარ პრიორიტეტს წარმოადგენდა მხოლოდ ოფიციალური არხებით, ჯანმრთელობის მსოფლიო ორგანიზაციის მიერ აღიარებული ვაქცინების მიღება.
ვაქცინების შეძენისთვის ჩვენ გამოვიყენეთ რამდენიმე ასეთი არხი: კოვაქს-პლატფორმა,ევროკავშირთან თანამშრომლობა და მწარმოებლებთან მოლაპარაკება. აღნიშნული მოქმედებების ნაყოფიერი შედეგია ის ფაქტი, რომ უახლოეს დღეებში სახელმწიფო პანდემიასთან ბრძოლის მთავარ იარაღს - ვაქცინებს ელის".- განაცხადა ეკატერინე ტიკარაძემ.
დახურვა