ჯანდაცვის მინისტრის ეკატერინე ტიკარაძის განცხადებით, თბილისში, ქავთარაძის ქუჩაზე კიდევ ერთი საველე ჰოსპიტალი მოეწყო.
როგორც მან ჟურნალისტებთან თქვა, 200-მდე საწოლია მობილიზებული და პაციენტების მიღება გუშინ დაიწყო.
"დედაქალაქში მსგავსი საველე ტიპის ინფრასტრუქტურა გაიმართა ქავთარაძის ქუჩაზე, სადაც 200 საწოლია მობილიზებული. გუშინ უკვე დაიწყო პაციენტების მიღება და დაახლოებით, 200-მდე პაციენტის მიღება შეიძლება, რომელიც უზრუნველყოფილი იქნება ჟანგბადით", - განაცხადა ტიკარაძემ.
პირველი საველე ჰოსპიტალი დიღომში მოეწყო, სადაც 500-მდე საწოლია მობილიზებული. საველე ჰოსპიტალი გაიშალა სამგორშიც, თუმცა ის ჯერ არ ამოქმედებულა.
დახურვა