ტრაგედია ვაკის პარკში - გამოძიებას ბრალდებული ამ დრომდე არ ჰყავს

პარკში მომხდარ დანაშაულზე არათუ პოლიტიკური, სამართლებრივი პასუხისმგებლობაც არ დამდგარა. აღმოჩნდა, რომ ყველა მართალია - მერიაც, კომპანიაც, ექსპერტიზაც. არადა დაღუპულია 13 წლის გოგონა და გასულია 5 დღე. ვაკე-საბურთალოს პოლიციაში გამოკითხვაზე დაიბარეს კომპანია გრინსერვის პლუსის ხელმძღვანელი. ლაშა ფურცხვანიძე ამტკიცებს, რომ ვაკის პარკში მის კომპანიას დარღვევები არ ჰქონია, მაგრამ ვერ უპასუხა შეკითხვას, მაშინ რა მოხდა და რატომ დაიღუპა 13 წლის მარიტა მეფარიშვილი.