ომის კვლევის ინსტიტუტის (ISW) ინფორმაციით, უკრაინელმა სამხედროებმა ვერბოვოეს დასავლეთ ნაწილში რუსების თავდაცვის ხაზი გაარღვიეს.
ISW-ში სპეციალურ რუკებს ეყრდნობიან, რომლებზეც ჩანს, რომ 26 სექტემბერს რუსებმა უკრაინელი ქვეითი სამხედროების წინააღმდეგ უპილოტო საფრენი აპარატი გამოიყენეს.
ISW-ში ამბობენ, რომ თუ ოკუპანტებმა ე.წ. დრონი ასეთ მანძილზე გამოიყენეს, ესე იგი ისინი სანგრებიდან გამოსულები არიან. ომის კვლევის ინსტიტუტში მაგალითად რამდენიმე რუსი სამხედრო მეთაურის კომენტარიც მოჰყავს, სადაც ისინი უკრაინელი სამხედროების რობოტინო-ვერბოვოეს ხაზზე შეჭრაზე საუბრობენ.
ISW-ში აცხადებენ, რომ სიტუაცია ვერბოვოეზე გაუგებარია, რადგან რუსმა სამხედრო ბლოგერებმა სულ უფრო ნაკლები ინფორმაციის გავრცელება დაიწყეს, რაც რუსების მარცხზე მეტყველებს.
დახურვა