უკრაინის დაზვერვა: რუსეთი ყოველთვიურად 20 000-ზე მეტი ადამიანის მობილიზებას ახდენს

უკრაინის დაზვერვის წარმომადგენლის, ანდრეი იუსოვის განცხადებით, რუსეთი ყოველთვიურად 20 000-ზე მეტი ადამიანის მობილიზებას ახდენს.

"თვეში 20 000-ზე მეტი ადამიანის მობილიზება ხდება სხვადასხვა გზით. წვევამდელი მობილიზება გეგმის მიხედვით გრძელდება. რუსეთის სარდლობა აქტიურად იყენებს ყოფილ სამხედრო მსახურებთან „ხელშეკრულების იძულებით გაფორმების“ პრაქტიკას", - აცხადებს უკრაინის დაზვერვის წარმომადგენელი.

რუსეთის პრეზიდენტმა, ვლადიმერ პუტინმა 21 სექტემბერს რუსეთში ნაწილობრივი სამხედრო მობილიზაცია გამოაცხადა და აღნიშნული ქმედება "რუსეთის სუვერენიტეტის დასაცავად აუცილებელ ნაბიჯად" მოიხსენია. 

28 ოქტომბერს, რუსეთის თავდაცვის მინისტრმა, სერგეი შოიგუმ განაცხადა, რომ რუსეთში ნაწილობრივი სამხედრო მობილიზაცია დასრულდა. როგორც შოიგუმ აღნიშნა, სულ 300 000 კაცის მობილიზაცია მოხდა, რომელთა საშუალო ასაკი 35 წელია.