უკრაინის პრეზიდენტის მოადგილის, კირილო ტიმოშენკოს განცხადებით, ქალაქ ვინნიცაში სარაკეტო თავდასხმის შედეგად 12 ადამიანი დაიღუპა, მათ შორის 1 ბავშვია.
ტიმოშენკოს თქმით, ცენტრალურ უკრაინაში, ვინნიცაში მდებარე შენობებს რუსულმა ძალებმა 3 რაკეტა ესროლეს, დაზიანებულია მიმდებარე საცხოვრებელი კორპუსებიც. როგორც უკრაინის საგანგებო სიტუაციების სამსახური აცხადებს, ადგილზე 90 მაშველი მუშაობს.
"ოკუპანტების კიდევ ერთი დანაშაული ჩვენს მშვიდ ქალაქში", - განაცხადა უკრაინის პრეზიდენტის მოადგილემ.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა