მელიტოპოლის მერის, ივან ფედოროვის განცხადებით, მელიტოპოლში რუსებმა მშვიდობიანი მოსახლეობის წინააღმდეგ ტერორის ახალი ტალღა დაიწყეს.
"მაგალითად, მელიტოპოლიდან ბერდიანსკში მოგზაურობისთვის, თქვენ უნდა მიაწოდოთ კომენდანტის ოფისს თქვენი საკუთარი მონაცემები, რათა მიიღოთ საშვი, რომელიც შეიძლება ან მიიღოთ, ან არა - ალგორითმი, როგორც ყოველთვის, სრულიად გაუგებარია", - თქვა მელიტოპოლის მერმა.
ფედოროვის თქმით, რუსულმა ძალებმა უკრაინის ოკუპირებული ტერიტორიები ციხედ აქციეს, ცალკეული დასახლებები კი ციხის საკნებად. ამასთან, ის აღნიშნავს, რომ რუსული ჯარები მშვიდობიან მოსახლეობას დროებით ოკუპირებული ტერიტორიების დატოვების საშუალებას არ აძლევენ.
უკრაინის შეიარაღებული ძალების სტრატეგიული კომუნიკაციების დეპარტამენტის ცნობით, 8 იანვრის ღამეს, მელიტოპოლში ოკუპანტების ბაზა და მტრის ტექნიკა განადგურდა.
დახურვა