ზაპოროჟიეს ოლქის ქალაქი მელიტოპოლის მერის, ივან ფედოროვის ცნობით, უკრაინამ დროებით ოკუპირებულ მელიტოპოლში ოკუპანტების ერთ-ერთი უდიდესი სამხედრო ბაზა გაანადგურა.
ფედოროვის თქმით, პირველადი ინფორმაციით, ქალაქიდან 10 კმ-ში სოფელ მირნიში განადგურდა იმ შენობათაგან ერთ-ერთი, რომელსაც ოკუპანტები ე.წ რეფერენდუმის გასამართად ამზადებდნენ.
ქალაქ მელიტოპოლში კი უკრაინის ძალებმა რუსი ოკუპანტების ერთ-ერთი უდიდესი სამხედრო ბაზა გაანადგურეს, რომელიც "ავტოქოლორლიტის" ქარხნის ტერიტორიაზე მდებარეობდა.
„მტრის დანაკარგებზე უფრო დეტალურ ინფორმაციას მოგვიანებით მოგაწვდით, მაგრამ ერთი რამის თქმა დანამდვილებით შეგვიძლია - უკრაინის მიწაზე ოკუპანტები, რბილად რომ ვთქვათ, არაკომფორტულად არიან და აქ მათ არავინ ელის. ბოლო 3 კვირაა მათ ყოველდღე რაღაც ემართებათ. ჩვენ ველით კეთილი ნების ჟესტს - მათ უნდა დატოვონ დროებით ოკუპირებული ტერიტორიები“ - განაცხადა ფედოროვმა.
გუშინ ღამით, ზაპოროჟიეს ოლქში, ქალაქ მელიტოპოლსა და სოფელ მირნიში ღამით აფეთქებების ხმა ისმოდა.
დახურვა