ფეისბუქმა ყველა რუსულ სახელმწიფო მედიას პლატფორმაზე რეკლამის განთავსების ფუნქცია შეუზღუდა. ამის შესახებ ფეისბუქის უსაფრთხოების დეპარტამენტის უფროსმა, ნათანიელ გლეიჩერმა ტვიტერზე დაწერა.
გლეიჩერის თქმით, რუსული სახელმწიფო მედიას ახლა შეზღუდული აქვს პლატფორმაზე რეკლამების განთავსება და მასალის მონეტიზაცია.
ნათანიელ გლეიჩერმა ასევე განაცხადა, რომ ფეისბუქი განაგრძობს რუსული სახელმწიფო არხებისთვის შესაბამისი იარლიყების მინიჭებას.
„ჩვენ ვუზღუდავთ რუსულ სახელმწიფო მედიებს მსოფლიოს ყველა წერტილიდან ჩვენს პლატფორმაზე რეკლამების განთავსებას ან მონეტიზაციას. ჩვენ ასევე ვაგრძელებთ სხვა რუსული სახელმწიფო მედიებისთვის იარლიყების მინიჭებას. ამ ცვლილებების განხორციელება უკვე დაიწყო და კვირის ბოლომდე გაგრძელდება", - განაცხადა გლეიჩერმა.
1/ We are now prohibiting Russian state media from running ads or monetizing on our platform anywhere in the world. We also continue to apply labels to additional Russian state media. These changes have already begun rolling out and will continue into the weekend.
— Nathaniel Gleicher (@ngleicher) February 26, 2022
აღსანიშნავია, რომ ტვიტერმა ასევე დღეს გადაწყვეტა, რუსეთსა და უკრაინაში რეკლამირების ფუნქცია ყველა კომპანიას სრულად შეზღუდოს. ოფიციალური განცხადების მიხედვით ეს გადაწყვეტილება ქვეყანაში არსებული სიტუაციის გამო ადგილობრივი მოსახლეობისთვის უსაფრთხოებასთან დაკავშირებული ინფორმაციის უწყვეტი ხელმისაწვდომობისთვის მიიღეს.
„ჩვენ დროებით ვაჩერებთ რეკლამებს უკრაინასა და რუსეთში, რათა დავრწმუნდეთ რომ რუსეთსა და უკრაინაში საჯარო უსაფრთხოების შესახებ ყველაზე აუცილებელი ინფორმაცია წინა პლანზე იყოს და რეკლამებმა არ გადაატანინოს ადამიანებს ყურადღება“ - აცხადებს ტვიტერის უსაფრთხოების დეპარტამენტი.
We’re temporarily pausing advertisements in Ukraine and Russia to ensure critical public safety information is elevated and ads don’t detract from it.
— Twitter Safety (@TwitterSafety) February 25, 2022
დახურვა