ფლორიდის ციხიდან გათავისუფლებული მარია ბუტინა უკვე მოსკოვშია. თვითმფრინავი, რომლის ბორტზეც შეერთებული შტატებიდან დეპორტირებული 30 წლის რუსი აგენტი იმყოფებოდა, შერემეტევოს აეროპორტში დაეშვა. ჟურნალისტების გარდა, მარია ბუტინას აეროპორტში მამა და რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა დახვდნენ. ბუტინას შეერთებული შტატების ტერიტორიაზე შესვლა მომდევნო 10 წელი ეკრძალება. ის სამართალდამცველებმა 2018 წლის ივლისში დააკავეს.
ბუტინას რუსეთის ინტერესების სასარგებლოდ მუშაობის ბრალდებით წელიწადნახევრიანი პატიმრობა ჰქონდა მისჯილი.
დახურვა