ქარელში, ვაჟა-ფშაველას ქუჩაზე მდებარე დევნილთა დასახლებაში აფეთქება მოხდა. როგორც საგანგებო სიტუაციების მართვის სამსახურში "ფორმულას" განუცხადეს, აფეთქება სავარაუდოდ, ბუნებრივმა აირმა გამოიწვია. ამავე უწყების ცნობით შემთხვევას მსხვერპლი არ მოჰყოლია, დაშავებულია 60 წლამდე ასაკის მამაკაცი, რომელმაც სხეულის დამწვრობა მიიღო, დაშავებული გადაყვანილია სტაციონარში.