ტყიბულელი მეშახტეები, ჭიათურელი მაღაროელები და ქსნის მინის ტარის ქარხნის მუშები ბელარუსელ კოლეგებს მხარდაჭერას უცხადებენ.
მათ ვიდეომიმართვა გაავრცელეს, რომელშიც ამბობენ, რომ მხარს უჭერენ ბელარუსელი მუშების სამართლიან გაფიცვას და მათ გამარჯვებას უსურვებენ.
შეგახსენებთ, რომ 9 აგვისტოს ბელარუსში საპრეზიდენტო არჩევნები გაიმართა. მასში ქვეყნის მოქმედი პრეზიდენტი ალექსანდრ ლუკაშენკოც მონაწილეობდა. აღსანშნავია, რომ ეს ლუკაშენკოს რიგით მე-6 საპრეზიდენტო არჩევნებია. მისი მთავარი ოპონენტი სვეტლანა ტიხანოვსკაია იყო.
16 აგვისტოს, მინსკში მასშტაბური თავისუფლების მარში გაიმართა, რომელშიც 200 ათასამდე ადამიანი მონაწილეობდა.
თავის მხრივ, ევროკავშირი და დასავლეთი ბელარუსელ ხალხს მხარს უჭერს და სანქციების დაწესებას განიხილავს. ევროკავშირმა სანქციების დაწესებას მხარი დაუჭირა და ე.წ. შავი სია აგვისტოს ბოლოს შემუშავდება.
დახურვა