პოლიციამ განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ბრალდებით ერთი ადამიანი დააკავა. 1981 წელს დაბადებულ პირს პოლიციამ ქუთაისის აეროპორტში 262 აბი სუბუტექსი და 2 შეკვრად დაფასოებული ფხვნილი აღმოუჩინა. საქმეზე დაწყებულია გამოძიება, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში უკანონოდ შემოტანის ფაქტებზე. დანაშაული 8-დან 20 წლამდე თავისუფლების აღკვეთას ითვალისწინებს.