შატილში ახალი სკოლა აშენდება

შატილში ახალი სკოლა აშენდება.

როგორც „ფორმულას“ განათლების სამინისტროში განუცხადეს, სკოლის აშენებამდე ბავშვებისთვის ალტერნატიული ფართი გამოიყოფა.

„პრემიერის გადაწყვეტილებით, შატილში დამწვარი სკოლის ნაცვლად, ახალი სკოლა აშენდება. ეს იყო სკოლა-პანსიონატი, ამიტომ 8 ბავშვიდან, რომელიც სკოლაში სწავლობდა, 5 იქვე რჩებოდა. განათლების სამინისტრო ჩართულია ამ პროცესში და ახალი სკოლის აშენებამდე ბავშვებისთვის ალტერნატიული ფართი გამოიყოფა. ასევე მოხდება მათი სასკოლო ინვენტარით, წიგნებითა და კომპიუტერებით უზრუნველყოფა,“ - აცხადებენ სამინისტროში.

შეგახსენებთ, რომ დღეს შატილში ერთადერთი სკოლა დაიწვა. შედეგად არავინ დაშავებულა. ჯერჯერობით ხანძრის გამომწვევი მიზეზი უცნობია.