პოლიციამ დააკავა კაცი, რომელმაც ქობულეთში 2001 წელს დაბადებული პირი დაჭრა და მიიმალა.
დაჭრილი მოგვიანებით კლინიკაში გარდაიცვალა.
დაკავებულია წარსულში ნასამართლევი ლ.ი. მას ბრალად ჯანმრთელობის განზრახ მძიმე დაზიანება ედება და გამოძიებაც შესაბამისი - სისხლის სამართლის კოდექსის 117-ე მუხლით მიმდინარეობს.
უწყების ცნობით, გამოძიებით დადგინდა, რომ ბრალდებულმა 13 აგვისტოს, ქობულეთში, ურთიერთშელაპარაკების ნიადაგზე, ცივი იარაღით დაჭრა 2001 წელს დაბადებულ რ.ლ.-ს და შემთხვევის ადგილიდან მიიმალა.
ის მომხდარიდან რამდენიმე საათში დააკავეს.