შსს-ს თანამშრომლებისთვის კორპუსების მშენებლობა შეაჩერეს - შაბათის ფორმულა

შინაგან საქმეთა სამინისტროს თანამშრომლებისთვის კორპუსების მშენებლობა გასული წლის ნოემბერში უნდა დასრულებულიყო. ძალოვანმა უწყებამ 4 სამშენებლო კომპანიასთან ხელშეკრულება 2018 წლის ნოემბერში გააფორმა. მშენებლობა დაიწყო თბილისში, ქუთაისში, ზუგდიდში, ბათუმსა და რუსთავში. დაგეგმილი ვადები ყველგან დაირღვა. უწყებამ მშენებლობები უცნობი მიზეზით შეაჩერა.