უკრაინის შეიარაღებული ძალების აღმოსავლეთ ჯგუფის სპიკერის, სერჰი ჩერევატის განცხადებით, ბახმუტის მიმართულებით ინიციატივას უკრაინა ინარჩუნებს.
"უკრაინის თავდაცვის ძალებმა ბახმუტის მიმართულებით 44 რუსი ოკუპანტი გაანადგურეს, ლიმანი-კუპიანსკის მიმართულებით კი 35. ბახმუტის მიმართულებით უკრაინელი სამხედროები ინიციატივას ინარჩუნებენ, მტერზე ზეწოლას ახდენენ, თადვასხმის ოპერაციებს ახორციელებენ და ტერიტორიებს იბრუნებენ", - ამბობს ჩერევატი.
როგორც უკრაინის შეიარაღებული ძალების აღმოსავლეთ ჯგუფის სპიკერი აღნიშნავს, ლიმანი-კუპიანსკის მიმართულებით მტერი ინიციატივის ხელში ჩაგდებას და შეტევითი ოპერაციების ჩატარებას ცდილობს.
"ჩვენი შტაბის, ადგილზე მყოფი მეთაურებისა და სამხედრო პერსონალის წარმატებული მოქმედებების წყალობით, ეს მცდელობები მტრისთვის უშედეგო და წარუმატებელია", - აცხადებს უკრაინის შეიარაღებული ძალების აღმოსავლეთ ჯგუფის სპიკერი.
დახურვა