ჩილეს ტერიტორიაზე ტყეებში მასშტაბურ ათობით ხანძარს სულ მცირე 23 ადამიანის სიცოცხლე ემსხვერპლა.
ჩილეს ხელისუფლების ცნობით, ხანძრების შედეგად სულ მცირე 979 ადამიანი დაშავდა, 1 100-ზე მეტი კი თავშესაფარშია გადაყვანილი.
ამ დროისთვის საგანგებო მდგომარეობაა გამოცხადებული ჩილეს 3 რეგიონში - არაუკანიაში, ბიო-ბიოსა და ნიუბლეში.
„ამინდის პირობებმა ძალიან გაართულა ხანძრების ჩაქრობა, რომლებიც ვრცელდება და საგანგებო მდგომარეობა უარესდება“ - განაცხადა ჩილეს შინაგან საქმეთა მინისტრმა, კაროლინა ტოჰამ.
რამდენიმე დღეა, რაც ცეცხლი უფრო დიდ ტერიტორიაზე ვრცელდება, რასაც ხელს უწყობს ცხელი ზაფხული ჩილეში - ტემპერატურა 40° ცელსიუსს აღემატება.
ოფიციალური ცნობებით, 40 000 ჰექტარზე მეტი ფართობის ტერიტორია დაიწვა. ტყის ეროვნული სააგენტოს ცნობით კი შაბათს 231 კერიდან 80-ში ცეცხლს აქტიურად ებრძოდნენ.
დახურვა