ჩრდილოეთ კორეის ხელმძღვანელი კიმ ჩენ ინი ბოლო 20 დღის განმავლობაში საჯაროდ პირველად გამოჩნდა. აღნიშნულზე ინფორმაციას BBC ავრცელებს.
როგორც ადგილობრივი მედია იუწყება, ჩრდილოეთ კორეის ლიდერი, ერთ-ერთი ქარხნის გახსნას დაესწრო. BBC-ის ინფორმაციით, ჩრდილოეთ კორეის მედიაში არ ვრცელდება ფოტოები, რომლებიც ფაქტს ადასტურებს.
შეგახსენებთ, ჩრდილოეთ კორეის ლიდერი ორი კვირაა საზოგადოების წინაშე არ გამოჩენილა. ერთ-ერთი ვერსიით, კიმ ჩენ ინმა კორონავირუსის საფრთხის გამო ფხენიანი დატოვა და საკურორტო ქალაქ ვონსანში იმყოფება. მეორე ვერსიით, მას 12 აპრილს გულზე ოპერაცია ჩაუტარდა და ის კომატოზურ მდგომარეობაშია.