ჩრდილოეთ კორეამ სამხედრო სწავლებებისა და სარაკეტო გამოცდების შემდეგ, გამთენიისას კვლავ სამი რაკეტა გაუშვა. სამივე იაპონიის ზღვაში ჩავარდა.
სამხრეთ კორეის გენერალური შტაბების ინფორმაციით, რაკეტების ტიპი მათთვის უცნობია, თუმცა სამივე მოკლე რადიუსში მოქმედი ჭურვი იყო.
ჩრდილოეთ კორეამ ისინი სონდოკის პოლიგონიდან გაუშვა. რაკეტების ფრენის მანძილი 200, სიმაღლე კი 50 კილომეტრი იყო.
სარაკეტო გამოცდას გამოეხმაურა იაპონიის თავდაცვის სამინისტროც, რომელიც აცხადებს, რომ ფხენიანის დღევანდელი ნაბიჯი საფრთხეს არამხოლოდ იაპონიას, არამედ მთელს რეგიონს უქმნის.
დახურვა