პედიატრი ივანე ჩხაიძე ამბობს, რომ კორონავირუსის გავრცელების პერიოდში რეკომენდაციაა, ბავშვებმა გაატარონ დრო ჰაერზე, დაკავდნენ ფიზიკური აქტივობებით და არ ჩაიკეტონ სახლებში.
იმუნიზაციის მრჩეველთა ეროვნული ტექნიკური ჯგუფის ხელმძღვანელი მშობლებს რეკომენდაციას აძლევს, რომ 6 წელს ზემოთ ბავშვებმა ატარონ პირბადე დახურულ სივრცეში.
„ჩვენ არ ვფიქრობთ, რომ გამოსავალია ბავშვების სახლში ჩაკეტვა - ჩვენ ეს მძიმე პერიოდი გავიარეთ და ეს რეკომენდაცია აღარ არსებობს. ბავშვები ქუჩაში, ეზოში, ბაღში -ჰაერზე უნდა იყვნენ, ჰქონდეთ ფიზიკური აქტიურობის შესაძლებლობა, ნიღბის ტარების რეკომენდაცია იუნისეფის რეკომენდაციას ეყრდნობა, რომელიც ამბობს, რომ 6-დან 12 წლამდე ბავშვებმა ისე უნდა ატარონ, როგორც ქვეყანაში ეპიდემიოლოგიური ვითარება მოითხოვს, ხოლო 12 წლის ზემოთ ისე, როგორც მოზრდილებმა. ქვეყანაში ეპიდვითარება რთულია, ამიტომ 6 წლის ზემოთ ბავშვების გადაადგილებისას, განსაკუთრებით დახურულ სივრცეში აუცილებელია ნიღბის ტარება", - ამბობს ივანე ჩხაიძე.
პედიატრის თქმითვე, კორონავირუსით დაინფიცირებისგან ბავშვების დაცვის საუკეთესო გზა ოჯახის უფროსი წევრების ვაქცინირებაა.
„მშობლის რეკომენდაცია დღევანდელ რეალობაში არის ძალიან მარტივი - ჩვენ შეგვიძლია ჩვენი შვილები დავიცვათ ოჯახის უფროსი წევრების ვაქცინაციით, სხვა გადადების გზა პრაქტიკულად ქვეყანაში არ არის: ბაღები არ მუშაობს, სკოლები დასრულდა, ორგანიზებული კოლექტივები ქვეყანაში არ არის, გარესივრცეში კი ნაკლებია ინფექციის გადაცემის შანსი. ერთადერთი და მაღალი შანსი გადადების არის საყოფაცხოვრებო", - აცხადებს ექიმი.
კორონავირუსის დელტა შტამი, რომელიც ჩვეულებრივზე უფრო მეტი გადადების უნარით გამოირჩევა, მათ შორის ბავშვებსა და მოზარდებში.
ამირან გამყრელიძის განცხადებით, ინდური შტამის ცირკულაცია ქვეყანაში, სავარაუდოდ, უკვე აღწევს 10-20%-ს.