ინფექციური საავადმყოფოს დირექტორი, თენგიზ ცერცვაძე ამბობს, რომ მოსახლეობის ანტივაქსერული განწყობის ფონზეც ვაქცინაციის ასეთი დაბალი მაჩვენებლი აუხსნელია.
"ერთადერთი საკითხია, სადაც ემოციების შეკავება მიჭირს, საქართველოში ხდება სრულიად აუხსნელი რამ. ერთ-ერთი პირველები ვართ მსოფლიოში. სიკვდილიანობის დიდი ალბათობაა და შეიძლება გადავაჭარბოთ მეოთხე ტალღას. ვაქცინაციის აქტივობა კი 4000-დან 6000-მდე მერყეობს. ეს არის ერთი მხრივ სრულიად აუხსნელი რამე საქართველოს მოსახლეობის ანტივაქსერული განწყობის გათვალისწინებითაც კი", - აცხადებს ცერცვაძე.
ბოლო 24 საათში კორონავირუსის 5 076 ახალი შემთხვევა გამოვლინდა, გარდაიცვალა 44 ადამიანი.
16 ოქტომბრის მონაცემებით სულ ჩატარებულია 1 906 882 აცრა. სულ მცირე 1 დოზით ვაქცინირებულია 1 009 387 ადამიანი - მოზრდილი მოსახლეობის 35,5 %, სრულად ვაქცინირებულია 897 299 ადამიანი - მოზრდილი მოსახლეობის 31,4%. 15 ოქტომბერს მხოლოდ 6 673 ადამიანი აიცრა.
დახურვა