რუსეთში, კრასნოიარსკის მხარეში საგამოძიებო კომიტეტმა მესიანური კულტის ლიდერი და მისი თანაშემწეები დააკავა. საგამოძიებო უწყების თქმით, კულტის ლიდერი მიმდევრების ფულსა და "ფსიქოლოგიურ მდგომარეობას" მათთვის ზიანის მიყენების მიზნით იყენებდა.
შეიარაღებული ძალები "ბოლო აღთქმის" ეკლესიაში 22 სექტემბრის დილას შეცვივდნენ. თვითმხილველები ამბობენ, რომ სამართალდამცველებმა კულტის ლიდერი ვისარიონი, 2 თანაშემწესთან ერთად ვერტმფრენში ჩასხეს და წაიყვანეს.
სოციალურ ქსელ Twitter-ში გავრცელდა ვიდეო, რომელშიც სამართალდამცველების ეკლესიაში შევარდნის მომენტი ჩანს.
Russia’s FSB is storming the Siberian settlement of the Church of the Last Testament and has arrested its leader Vissarion, who says he’s a reincarnation of Jesus Christ and has some 4,000 avowed followers. Vissarion and his aides were taken away in helicopters, Mash reports. pic.twitter.com/CiION9ml7x
კულტის მიმდევრებს სჯერათ, რომ ვისარიონი ქრისტეს რეინკარნაციაა. რელიგიური კულტს, რომელიც 1990-იან წლებში "ეფ-ეს-ბეს" ყოფილმა თანამშრომელმა, სერგეი ტოროპმა (იგივე ვისარიონი) ჩამოაყალიბა, დღეის მდგომარეობით, 4 000-მდე მიმდევარი, იგივე "ვისარიონიტი" ჰყავს. კულტი 20-მდე აგრარულ რეგიონშია გაშლილი. ყველაზე გულმხურვალე მიმდევრები კულტის ლიდერთან ერთად სამხრეთ ციმბირში, ერთ-ერთ გორაზე სახლობენ. კულტის წევრები გორას "განთიადის სამყოფელს" უწოდებენ.
"22 სექტემბრის დილას ადგილზე პოლიციის მანქანები, 50 ავტობუსი, სასწრაფოს მანქანა და სამედიცინო პერსონალი მოვიდა", - ჰყვება თვითმხილველი The Moscow Times-თან.
საგამოძიებო კომიტეტი, სერგეი ტოროპს "ძალადობრივი რელიგიური დაჯგუფების" შექმნას ედავება, რომელიც თავის მიმდევრებს "სერიოზულ ზიანს" აყენებდა.
დახურვა