წალენჯიხაში 55 წლის კაცი ფუტკრის კბენის შედეგად გარდაიცვალა. გარდაცვალების სავარაუდო მიზეზი ანაფილაქსიური შოკი გახდა.
ინფორმაციას ადასტურებს წალენჯიხის მუნიციპალიტესის მერიის პრეს-სამსახური.
როგორც ფორმულასთვის ხდება ცნობილი, კაცი ფუტკრებთან სეზონურ სამუშაოებს შესაბამისი ეკიპირებით ატარებდა. მიუხედავად ამისა, ფუტკარმა შეძლო ეკიპირებაში შეღწევა და ყელის არეში, არტერიაზე უკბინა, რის შედეგადაც კაცი გარდაიცვალა.
სასწრაფო-სამედიცინო ადგილზე მისვლის მომენტისთვის ის უკვე გარდაცვლილი იყო.
დახურვა