წალენჯიხის საკრებულოს წევრობის კანდიდატი გახარიას პარტიიდან, გელა აბულაძე ანტიკორუფციულ სამსახურში დაიბარეს.
საქმე 15 წლის წინანდელ სავარაუდო დარღვევებს ეხება.
ფორმულას წყაროს ცნობით, 3 დღის წინ მას ქართული ოცნების წარმომადგენლებმა კანდიდატურის მოხსნა მოსთხოვეს, წინააღმდეგ შემთხვევაში კი პრობლემების შექმნით დაემუქრნენ.
საქართველოს ექსპრემიერის, გიორგი გახარიას გუნდის არაერთმა წევრმა გააკეთა განცხადება მმართველი გუნდის მხრიდან მათ მიმართ ზეწოლის და მუქარის შემთხვევებზე.
დღეს, 23 აგვისტოს, პარტიის აჭარის ორგანიზაციის ხელმძღვანელმა, ირაკლი მიქელაძემ თქვა, რომ პარტიის კანდიდატებს ქართული ოცნება სოლიდურ თანხას სთავაზობს, რათა წარდგენის შემდეგ გახარიას გუნდის დატოვების შესახებ განცხადება გააკეთონ.
დახურვა