ხარკივის მერის, იგორ ტერეხოვის თქმით, ხარკივზე რუსული სარაკეტო თავდასხმის შედეგად 6 ადამიანი დაშავდა. ამასთან, ის აღნიშნავს, რომ თავდასხმას მსხვერპლი არ მოჰყოლია.
"მსხვერპლი არ არის, მაგრამ ეს მხოლოდ წინასწარი ინფორმაციაა. ქალაქში ყველას ვთხოვ, მაქსიმალურად ფრთხილად იყვნენ," - განაცხადა ხარკივის მერმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.