ლუჰანსკის რეგიონული სამხედრო ადმინისტრაციის ხელმძღვანელის, სერჰი ჰაიდაის განცხადებით, ლუჰანსკის ოლქში ვითარება სტაბილურია და კონტროლს ექვემდებარება.
"ვითარება სტაბილურია და კონტროლს ექვემდებარება. ჩვენი დამცველები ლუჰანსკის რეგიონის დეოკუპაციას ახორციელებენ.
როდესაც უკრაინის შეიარაღებული ძალები გაათავისუფლებენ კრემენაიას, გაიხსნება გზა რუბიჟნესა და სევეროდონეცკისკენ. არსებობს შესაძლებლობა, რომ რუსები გაიქცნენ დროებითი რეგიონული ცენტრიდან, როდესაც ჩვენ სევეროდონეცკს მივუახლოვდებით", - თქვა ლუჰანსკის რეგიონული სამხედრო ადმინისტრაციის ხელმძღვანელმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა