ივანიშვილი და მისი პარტია უცვლელად წარმატებით ანადგურებენ საქართველოს ევროატლანტიკური ინტეგრაციის პროცესს, ასევე ჩვენს გაწევრიანებას ევროკავშირში და აშშ-სთან სტრატეგიულ პარტნიორობას. 2008 წლის შემდეგ პირველად NATO-ს ვაშინგტონის სამიტზე საქართველო [ალიანსის] წევრობის კონტექსტში ნახსენები არ იყო. ქართული ოცნება წარმოადგენს საშიშროებას ეროვნული უსაფრთხოებისთვის, საფრთხის ქვეშ აყენებს ჩვენს სუვერენიტეტს, ტერიტორიულ მთლიანობას, დემოკრატიას და ევროპულ მომავალს, უბიძგებს ქვეყანას ავტორიტარიზმისკენ და იზოლაციისკენ. საქართველომ ოქტომბერში ივანიშვილის წინააღმდეგ უნდა გაიმარჯვოს და დემოკრატიული განვითარების გზაზე, ასევე ევროპულ და ევროატლანტიკური ინტეგრაციის გზაზე უნდა დაბრუნდეს.
წერს საქართველოსთვის ლიდერი, გიორგი გახარია X-ზე.
***
ვაშინგტონში გამართული NATO-ს სამიტი დასრულდა, რის შემდეგაც დეკლარაცია გამოქვეყნდა.
საქართველო დეკლარაციაში, წინა წლისგან განსხვავებით, მხოლოდ ერთხელაა ნახსენები და წერია, რომ "ჩრდილოატლანტიკური ალიანსი მოუწოდებს რუსეთს, გაიყვანოს თავისი ძალები მოლდოვიდან და საქართველოდან", რომლებიც იქ მათი თანხმობის გარეშეა განლაგებული".
დახურვა
