დღეს რუსთაველი ორად არის გაყოფილი - ერთ მხარეს დგას რუსი, მეორე მხარეს ვდგავართ ჩვენ. ხვალიდან, დღის 15:00 საათიდან, საქართველო ვიწყებთ შეკრებას რუსთაველის გამზირზე კვლავ და ასე იქნება ყოველი დღე. მთელი რუსთაველის გამზირი იქნება საქართველო, არანაირი რუსი, მანამ სანამ გამარჯვება არ გაფორმდება... რამდენჯერ უნდა დაგვარბიონ?! რამდენჯერაც დაგვარბევენ, რამდენ გაზსაც შემოგვასხამენ იმდენჯერ შევიკრიბებით, ოღონდ კიდევ უფრო მეტნი, ეს არის და ეს. ხვალ, 15:00 საათიდან, რუსთაველის გამზირზე ვიკრიბებით ოჯახებით, შვილებით, შვილიშვილებით, დედები, მამები, ბებიები, ბაბუები.
ამის შესახებ ნაციონალური მოძრაობის ყოფილმა თავმჯდომარემ ნიკა მელიამ პარლამენტთან მიმდინარე საპროტესტო აქციაზე განაცხადა.