გერმანიის საგარეო საქმეთა მინისტრი იოჰან ვადეპული გამოეხმაურა აშშ-ის პრეზიდენტის დონალდ ტრამპის განაცხადებას, რომ უკრაინამ ახალი ლიდერი უნდა აირჩიოს.
იოჰან ვადეპულის თქმით, გერმანია კვლავ რჩება უკრაინისა და მისი მთავრობის მხარეს და სრულ მხარდაჭერას უცხადებს პრეზიდენტ ვოლოდიმირ ზელენსკის თავისი რთული მოვალეობების შესრულებაში.
ვადეპულმა ასევე აღნიშნა, რომ რუსეთზე ზეწოლა უნდა გაძლიერდეს.
10 ოქტომბერს დონალდ ტრამპმა უკრაინის პრეზიდენტი ვოლოდიმირ ზელენსკი ომის დასრულების სურვილის არქონაში დაადანაშაულა და განაცხადა, რომ უკრაინამ ახალი ლიდერი უნდა აირჩიოს. იქამდე კი დონალდ ტრამპმა თქვა, რომ ესაუბრა რუსეთის პრეზიდენტს, ვლადიმერ პუტინს და ამერიკული და გლობალური ბაზრებისთვის რუსული დიზელის საწვავის მიწოდების შესახებ შეთანხმებას მიაღწია.
უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა არჩევნებს ჩაატარებს იმ შემთხვევაში, თუ რუსეთის პრეზიდენტი ვლადიმერ პუტინი 60-დღიან ცეცხლის შეწყვეტას დათანხმდება.
მოგვიანებით ტრამპმა ახალი განცხადება გაავრცელა, რომ უკრაინამ და რუსეთმა, სავარაუდოდ, ენერგეტიკულ სექტორზე დარტყმების შეწყვეტასთან დაკავშირებით შეთანხმებას მიაღწიეს. მან მხარეებს ასევე მოუწოდა, ზავი არ დაარღვიონ.
უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა მზად არის, შეწყვიტოს რუსეთის ენერგეტიკულ სექტორზე დარტყმები, თუ მოსკოვიც ანალოგიურად მოიქცევა.
ამასთან, მან ხაზი გაუსვა, რომ უკრაინამ რუსეთს მანამდეც არაერთი წინადადება შესთავაზა, თუმცა კრემლი მათ ყოველთვის უარყოფდა.
დახურვა