რუსთავის მერობის კანდიდატი ნაციონალური მოძრაობიდან, დავით კირკიტაძე, აცხადებს, რომ რუსთავში პარტიის ერთ-ერთ ოფისზე თავდასხმა მოხდა.
კიკრიტაძე ფორმულასთან სატელეფონო ინტერვიუში ამბობს, რომ თავდამსხმელები ოფისში შეჭრას ცდილობდნენ. მისი თქმით, შემთხვევისას 3 ადამიანი დაშავდა, მათგან 2 მძიმედ.
მერობის კანდიდატი მომხდარში, ქართული ოცნების წევრებს ადანაშაულებს.
"ცდილობდნენ ოფისში შემოჭრას. იდენტიფიცირებულები არიან და ესენი იყვნენ სუს-ის აგენტები, ქართული ოცნების აქტივისტები" - განაცხადა ერთიანი ნაციონალური მოძრაობის წევრმა და რუსთავის მერობის კანდიდატმა, დავით კირკიტაძემ.
მომხდარის დეტალებს ფორმულა შინაგან საქმეთა სამინისტროსთან არკვევს. ჯერჯერობით უცნობია, დაიწყო თუ არა გამოძიება.
დახურვა