დაუსრულებელი მშენებლობისა და დაკარგული ხალხის ფულის ისტორია

დაუსრულებელი მშენებლობის ისტორია ხაშურიდან, იუსტიციის სახლის პროექტი ჩავარდა. მოქალაქეებს მომსახურება უკვე აპრილიდან უნდა მიეღოთ, მაგრამ ნახევრად აშენებული ნაგებობა, დასრულების ნაცვლად, საერთოდ დაანგრიეს. მანამდე ორი სართული ხელისუფლების მიერ შერჩეულმა კომპანიამ ისე ააშენა, რომ მხოლოდ მესამე სართულის ამოყვანისას აღმოაჩინეს დარღვევები, კომპანია შავ სიაში გადაიყვანეს, ყველაფერი კი თავიდან დაიწყო. შედეგად ბიუჯეტმა ასეულობით ათასი ლარი დაკარგა.