დნიპროში სამაშველო ოპერაცია დასრულდა, დაიღუპა 45 ადამიანი

14 იანვარს დნეპროპეტროვსკის ქალაქ დნიპროში რუსმა ოკუპანტებმა დასახლებულ პუნქტში 9-სართულიან საცხოვრებელ კორპუსს რაკეტა ესროლეს.

უკრაინის საჰაერო ძალების სპიკერმა იური იგნატმა განაცხადა, რომ ეს იყო რუსული X-22 რაკეტა, გასროლილი ტუ-22M3 ბომბდამშენის მიერ. 

"950 კილოგრამიანი რაკეტა, რომელსაც „ავიამზიდის მკვლელი“ ჰქვია, შექმნილია ზღვაზე ავიამზიდების ჯგუფების გასანადგურებლად, ის შეიძლება აღჭურვილი იყოს ბირთვული ნაწილით. და ასეთ რაკეტას ისვრიან  მჭიდროდ დასახლებულ ქალაქზე, სადაც ხალხია." - განაცხადა მან ტელევიზიით.

უკრაინის პრეზიდენტმა, ვოლოდიმირ ზელენსკიმ დაღუპულთა ოჯახებს სამძიმარი გამოუცხადა და განაცხადა, რომ იპოვიან ყველას „ვინც მონაწილეობს ამ ტერორში. ყველა მაქსიმალურად აგებს პასუხს“.