სახელისუფლებო კანდიდატი უნივერსიტეტის რექტორი გახდა. არჩევნები - როგორც ფორმალობა. ყველაფერი წინასწარ იყო ცნობილი. ჯაბა სამუშია ერთადერთი კანდიდატი აღმოჩნდა, წინასწარ ცნობილ პროცესში მონაწილეობა სხვამ არავინ ისურვა. აკადემიური საბჭოც უპრობლემოდ დაეთანხმა სამუშიას კანდიდატურას. 38 წევრიდან 32 იმყოფებოდა ადგილზე. ორი ბიულეტენი გაბათილდა, მოწინააღმდეგე კი არავინ აღმოჩნდა. დღეს უნივერსიტეტში არც სტუდენტების ხმა ისმოდა, გუშინდელი პროტესტის შემდეგ სასწავლებელში სრული სიმშვიდე სუფევდა.