უკრაინის პრეზიდენტის ვოლოდიმირ ზელენსკის განცხადებით, კრამატორსკის სადგურზე რუსების თავდასხმა ტრიბუნალზე ერთ-ერთი ბრალდება უნდა იყოს.
"როგორც მასობრივი მკვლელობა ბუჩაში, და რუსეთის მიერ ჩადენილი ბევრი სხვა სამხედრო დანაშაული, კრამატორსკზე სარაკეტო თავდასხმაც უნდა გახდეს კიდევ ერთი ბრალდება ტრიბუნალზე, რომელიც აუცილებლად შედგება", - აღნიშნა ზელენსკიმ ვიდეო მიმართვაში.
ქალაქ კრამატორსკის რკინიგზის სადგურზე რუსული რაკეტების თავდასხმის შედეგად დაღუპულთა რიცხვი 50-მდე გაიზარდა, მათ შორის 5 ბავშვია. თავდასხმა სადგურზე მაშინ მოხდა, როდესაც ათასობით ადამიანის ევაკუაცია მიმდინარეობდა.
დახურვა